Ambasadori i Gjermanisë në Kosovë, Jorn Rohde, e ka mirëpritur arritjen e marrëveshjes së KEDS-it dhe Eletroseverit.
Në një postim në llogarinë e tij në platformën X, Rhode ka shkruar se ky është një lajm i mirë dhe se tani duhet të ketë zbatim të marrëveshjes pa vonesa.
“Vërtet lajm i mirë, tani kemi nevojë për zbatim të qëndrueshëm pa vonesa të mëtejshme!”, është shprehur Rohde.
Në anën tjetër, edhe Bashkimi Evropian ditë më parë e ka mirëpritur nënshkrimin kontratës komerciale ndërmjet kompanisë energjetike të Kosovës KEDS dhe kompanisë, Elektrosever.
I dërguari i BE-së për dialogun, Miroslav Lajçak me anë të një komunikate e ka quajtur këtë si një hap të rëndësishëm për zbatimin e plotë të Udhërrëfyesit për Energjinë.
