Ambasadori amerikan, Jeff Hovenier është deklaruar pas nënshkrimit të sotëm të marrëveshjes së mirëkuptimit mes ShBA-ve dhe Kosovës, kundër manipulimit të informacionit nga shtetet e huaja.
Në një postim në platformën “X”, ambasadori Hovenier ka thënë se ky është një hap i rëndësishëm drejt promovimit të informacionit të saktë globalisht.
“I nderuar që isha dëshmitar i nënshkrimit të një kuadri bashkëpunimi ndërmjet Nënsekretares së Shtetit, Liz Allen dhe Presidentes Vjosa Osmani për adresimin dhe kundërshtimin e manipulimit të informacionit nga jashtë.
Ky është një hap i rëndësishëm drejt promovimit të informacionit të saktë globalisht dhe ndërtimit të një ekosistemi të qëndrueshëm të informacionit në Kosovë”, ka shkruar ambasadori Hovenier.
