Ambasadori i Britanisë së Madhe në Kosovë, Nicholas Abbot, deklaroi se zgjidhjes së situatës në veri të Kosovës, duhet t’i jepet kohë dhe hapësirës, në mënyrë që sipas tij, të gjendet zgjidhje afatgjate.
Ai shkroi në Twitter të martën se Policisë së Kosovës, KFOR-it dhe EULEX-it, duhet t’u lejohet ta kryejnë detyrën profesionale, pa u shqetësuar për prioritete politike.
“Zgjidhja e situatës së vështirë dhe të rrezikshme në veri kërkon durim dhe qetësi. Është e rëndësishme që t’i jepet kohë dhe hapësirë për të gjetur zgjidhje afatgjata për të mirën e të gjithë qytetarëve”, shkroi Abbot.
Të martën u shënua dita e 11-të e vendosjes së barrikadave nga serbët në veri të Kosovës.
