Ambasadori amerikan në Kosovë, Jeffrey Hovenier ka dënuar plagosjen e dy të rinjve serbë në Shtërpcë.
Hovenier gjithashtu ka përshëndetur veprimin e shpejt dhe arrestimin e të dyshuarit.
Ambasadori amerikan këtë deklaratë e bëri pasi mori pjesë në liturgjinë e Krishtlindjeve në manastirin e Graçanicës.
“… Do të doja të shfrytëzojë këtë rast për t’u përgjigjur për atë që ndodhi dje në Shtërpcë…Në emër të Shteteve të Bashkuara të Amerikës themi sa e sa të tronditur jemi të gjithë nga ajo që ndodhi me dy të rinjtë që u qëlluan dhe natyrisht që e dënojmë atë akt”, tha ai.
Ambasadori amerikan po ashtu u shpreh mirënjohës që autoritetet vepruan shpejt dhe arrestuan të dyshuarin.
Dy persona, njëri 11-vjeçar e tjetri 21-vjeçar, janë plagosur këtë të premte në fshatin Drajkovc të Shtërpcës, pasi në drejtim të tyre është shtënë me armë zjarri nga një automjet në lëvizje.
I dyshuari për këtë rast, A.K. i moshës 33 vjeçar, është identifikuar dhe arrestuar nga Policia e Kosovës.
