Britania e Madhe ka dënuar sulmin e dhunshëm ndaj Policisë së Kosovës në Banjskë në orët e hershme të mëngjesit të së dielës, ku mbeti i vrarë një zyrtar policor dhe dy të tjerë të lënduar.
Në reagimin e kësaj ambasade është bërë thirrje për zgjidhje paqësore të situatës, teksa është shtuar se autoritetet kosovare duhet të lejohen të hetojnë dhe identifikojnë autorët e krimit.
“Institucionet e Kosovës duhet të lejohen të hetojnë dhe të identifikojnë autorët e këtij sulmi të tmerrshëm, në mënyrë që ata të sillen para drejtësisë në përputhje me sundimin e ligjit. E mirëpresim bashkërendimin e ngushtë të Policisë së Kosovës, si reagues i parë, me EULEX-in dhe KFOR-in”, thuhet në reagimin e kësaj ambasade.
Për rastin ka reaguar edhe Ambasada e Francës në Kosovë. Në reagim thuhet se sulmi është i papranueshëm dhe se autorët e sulmit duhet të arrestohen e të sillen para drejtësisë.
Ndërsa, ambasadori i Italisë në Kosovë, Antonello De Riu, ka dënuar ashpër sulmet ndaj Policisë së Kosovës, duke thënë se përgjegjësit për aksionin e vrasjes duhet të sillen para drejtësisë.
1/3
— UK in Kosovo 🇬🇧 (@UKinKosovo) September 24, 2023
The UK condemns the violent attack on Kosovo Police in Banjska/Banjskë in the early hours of this morning. Our deepest condolences go to the family and colleagues of Kosovo Police officer Afrim Bunjaku, killed in the line of duty.
