Njësiti policor kundër krimeve ekonomike, qysh në orët e mëngjesit të sotëm kanë ndërmarr një aksion në Kompaninë e Pastrimit “Ambienti” në Pejë.
Bordi i kësaj ndërmarrje publike dhe zyrtarë të tjerë janë subjekt i hetimit për keqpërdorim të detyrës zyrtare dhe parasë publike.
E pas këtij aksioni ka reaguar edhe vetë ministri i Punëve të Brendshme, Xhelal Sveçla, i cili tha se secili kryes i çdo lloj aktiviteti ilegal do të ballafaqohet me drejtësinë.
“Epoka e tolerimit të keqpërdorimit të detyrës zyrtare dhe pasurimit në kurriz të qytetarëve ka përfunduar. Bordi i kësaj ndërmarrje publike dhe zyrtarë të tjerë janë subjekt i hetimit për keqpërdorim të detyrës zyrtare dhe si çdo kush tjetër, do të japin llogari para drejtësisë për çdo keqpërdorim dhe dëm të shkaktuar.Vendi ynë nuk do të jetë më zonë e rehatisë për asnjë individ apo grup që cenon jetën dhe mirëqenien e qytetarëve tanë e sigurinë e vendit tonë”, ka shkruar ministri Sveçla.
