Një aksion nga orët e hershme të mëngjesit nga pjesëtarët e Njësisë Speciale të Policisë së Kosovës është zhvilluar Gllarevë të Klinës, me ç’rast janë arrestuar disa persona me dyshimet për shitblerje të narkotikëve.
Burimet e Indeksonline bëjnë të ditur se pesë lokacione janë bastisur në këtë aksion, tri shtëpi, një restorant dhe një auto-servis i veturave.
Ky medium raporton se gjatëb këtij aksioni është bastisur edhe shtëpia e zyrtares së LDK-së dhe ish- anëtares së PSD-së, Shqipe Pantinës.
Tutje thuhet se Indeksonline e ka kontaktuar Pantinën lidhur me këtë rast.
Në pyetjen e gazetarit për bastisjen e shtëpisë së vëllaut të saj, Pantina ka dhënë këtë përgjigje.
“Nuk është bash qashtu, vëllaun e kam në spital. Nuk kam koment”, ka thënë Pantina.
Lajmi se vëllau i Pantinës është në spital, është i vërtetë.
Tutje raportohet se Bujar Pantina duke tentuar të shmangë arrestimin nga Policia, ka kërcyer nga lartësia dhe është dërguar me urgjencë në spital.
