Një aksident me të paktën dy të lënduar ka ndodhur sot në orët e mbrëmjes në rrugën “Tahir Sinani”, në lagjen “Bajram Curri” të Prizrenit, shkruan KosovaNews.
Sipas informacioneve të para jozyrtare, aksidenti ka ndodhur pasiqë një veturë ka goditur veturën Mercedes, që kishte frenuar papritmas për të mos i goditur këmbësorët që ishin duke i kaluar zebrat, shkruan KosovaNews.
Menjëherë në vendin e ngjarjes kanë dalur ekipet e emrgjencës të cilët i kanë dërguar të lënduarit në Spitalin e Prizrenit për tretman mjekësor si dhe ekipet e Policisë së Kosovës ku dhe po i kryejnë ekzaminimet e nevojshme.
Ndërkohë, banorët e lagjes “Bajram Curri” i kanë thënë KosovaNews-it se kanë kërkuar nga autoritetet Komunale de-funksionalizmin e tërësishëm të ketij vendkalimi të këmbësorëve, ngase sipas tyre në të njejtin vend aksidente të tilla ndodhin shpeshherë.
