Pamje tronditëse nga një aksident i rëndë trafiku që ka ndodhur sot në mëngjes në Prizren, në rrugën “Adem Jashari”.
Rastin e ka konfirmuar edhe zëdhënësi i Policisë për rajonin e Prizrenit, Shaqir Bytyqi, shkruan KosovaNews.
Ai ka njoftuar se nga ky aksident, tre persona kanë mbetur të lënduar.
”Sot, më datë 31.12.2025, rreth orës 05:00 të mëngjesit, në rrugën “Adem Jashari” në Prizren, është raportuar një vetaksident trafiku. Si pasojë e aksidentit, tre persona (ngasësi dhe dy pasagjerë) kanë pësuar lëndime trupore. Ngasësi ka marrë lëndime më të rënda, por sipas informacioneve mjekësore gjendja e tij nuk paraqet rrezik për jetë. Përveç lëndimeve trupore, aksidenti ka shkaktuar dëme të mëdha materiale si në automjetin e përfshirë, ashtu edhe në pronë private dhe publike. Në vendin e ngjarjes kanë dalë menjëherë njësitë e Policisë së Kosovës, Emergjenca dhe Zjarrfikësit, të cilët kanë menaxhuar situatën dhe kanë ndërmarrë të gjitha veprimet e nevojshme ligjore dhe procedurale. Hetimet lidhur me shkaqet e aksidentit janë duke vazhduar.” ka thënë Bytyqi/KosovaNews/
