Një aksident trafiku ka ndodhur sot rreth orës 15:00 në rrugën Prishtinë-Pejë, në vendin e quajtur Kroi i Mbretit.
Në këtë aksident janë përfshirë tri automjete, dy vetura dhe një kamionetë. Lajmin e ka konfirmuar zëdhënësi i policisë së Kosovës, Daut Hoxha.
“Rreth orës 15:00 ne rrugën nacionale Prishtinë – Pejë, fsh. Korroticë e lart, te Kroi i Mbretit është shkaktuar një aksident trafiku ne mes tri automjeteve; dy vetura dhe një kamionetë. Si pasojë e këtij aksidenti, sipas informatave fillestare raportohet se tre persona kanë kërkuar ndihmë mjekësore”, ka thënë Hoxha.
Ai ka shtuar se patrullat policore dhe ekipi i hetimeve janë në vendngjarje dhe janë duke u marr me rastin, si dhe për të hetuar shkaqet e aksidentit.
