Ajo nuk ka dyshim se është njëra nga aktoret më të dashura e më të pëlqyera nga publiku.
Bëhet fjalë për artisten nga Gjilani, Adriana Matoshi, e cila së fundmi ka qenë e angazhuar në disa projekte.
Megjithatë, deputetja e Kuvendit të Kosovës ka bërë edhe një njoftim në rrjete sociale duke treguar se nuk është më pjesë e serialit “Sha je be tu folën”., përcjell KosovaNews.
“Përshëndetje të gjithëve, ju njoftoj se më nuk do të jem pjesë e serialit “Sha je be tu folën”, u shpreh ajo.
Lexo po ashtuTë gjitha lajmet nga Sha je be tu folën
Aktorja ka falënderuar ekipin, por nuk ka dhënë ndonjë detaj tjetër se përse është larguar.
“I falënderoj të gjithë aktorët dhe ekipin e serialit. Shihemi së shpejti në projektet e radhës”, vazhdoi tutje Matoshi.
Pjesë e këtij seriali janë disa nga aktorët e “O sa mirë”, por natyrisht në karaktere të reja.
Ky projekt është një prodhim ekzekutiv i producentëve dhe aktorëve Ernest Zymberi dhe Ridvan Murati.
