Në ditën kur është bërë publike vlera e koeficientit të vendosur për pagat në sektorin publik, kryetari i Lidhjes Demokratike të Kosovës, Lumir Abdixhiku, ka propozuar një koeficient tjetër.
Ai tha se propozimi i LDK-së ëshë koeficienti 125, e që sipas tij zgjidhja është e qartë.
Abdixhiku theksoi se propozimi i LDK-së është i qartë sepse merr për bazë inflacionin rekord që kemi patur në vend.
Ai tha se ky propozim është i denjë sepse krijon paga të dinjitetshëm si asnjëherë më parë.
Postimi i plotë:
Propozimi ynë është i drejtë sepse merr për bazë inflacionin rekord që e kemi patur në vend. Propozimi ynë është i mundshëm sepse merr 120 milionë shtesë, shumë më pak se që ka shpenzuar Qeveria në pako që nuk kanë lënë as edhe një shenjë. Propozimi ynë është i qëndrueshëm sepse pagat si proporcion buxhetor i mbanë nën 27%. Propozimi ynë është i denjë sepse krijon paga të dinjitetshme si asnjëherë më parë në vend.
Zgjidhja është e qartë. Koeficienti 125.
