Kryetari i LDK-së dhe kandidati për kryeministër i kësaj partie, Lumir Abdixhiku, ka bërë publik programin qeverisës – versionin e shtypur, në rast se subjekti i tij i fiton zgjedhjet e parakohshme parlamentare të 28 dhjetorit
.Në një aktivitet të publikuar në rrjeter sociale, Abdixhiku e hap zarfin me programin e LDK-së, të cilin nga vullnetarët kërkon ta shpërndajnë gjithandej Kosovës.Por, ajo që bie në sy është se në ballinën e programit është shkruar gabim emri i partisë, me ç’rast fjala: Demokratike, është shkruar: DemoRKatike.
Abdixhiku ka thënë se ky program është për të gjitha kategoritë e qytetarëve.Sipas Abdixhikut, programi parasheh rritje të pagës për 80 mijë të punësuarit në sektorin publik; pagë 1 mijë euro për mësimdhënësit; pagë 900 euro për policët e zjarrëfikësit, infermierëve 975 euro, mjekëve 1,200 euro, etj.“Është program i të rinjve. 40 mijë të rinj do të punësohen e trajnohen në sektorin e teknologjisë informative… Çdo i porsadiplomuar do të marrë pagë prej 500 euro për gjashtë muajt e ardhshëm” – thekson Abdixhiku.
Ndërkaq për pensionistët, ai tha se pensionet do t’i rrisin çdo vit, në 200 euro në vitin e parë, 250 vitin e dytë dhe 300 euro në vitin e tretë.“Përveç mbështjetje sociale, ky program është edhe zhvillimor. Është program i centralit të ri me gaz, stadiumit të ri kombëtar, spitalit të ri dhe mbi të gjitha projekteve të mëdha infrastrukturore:
Unazën e kryeqytetit, autostradën e Gjilanit, që është lënë në lloç, rrugën për Pejë, rrugën për Podujevë, rrugën për Mitrovicë, e për Gjakovë”- ishin premtimet që dha kandidati i LDK-së për kryeministër.Zgjedhjet e parakohshme parlamentare do të mbahen më 28.12.2025.
