Kryetari i Lidhjes Demokratike të Kosovës (LDK), Lumir Abdixhiku pas sulmit të së dielës në veri të vendit tha se ky është veçse një fillim i një përshkallëzimi shtetërorë të Serbisë.
Abdixhiku gjatë seancës së rregullt plenare tha se përderisa veriu është ‘tokë e pëlleshme” për destabilizim të situatës për aq kohë në Kosovë do të ketë tensione.
Ai po ashtu tha se sot është përgjegjëse Qeveria e Kosovës që këtë situatë ta përkthejë në avancim të pozicionit të saj.
“Politika e Serbisë një cerek shekulli pas luftës së 99’së nuk befason. LDK me të gjitha kapacitetet e saj do të mbështesë gjithherë institucionet e Kosovës në këto situata. Sot na duhet mençuri.
Tani është përgjegjësi e qeverisë që ta përkthej këtë situatë në avancim të pozicionit tonë ndërkombëtarë dhe do ta ketë dhe mbështetjen tonë.
Në përballje të tilla bashkëpunimi me aleatë është jetik. Ky është veçse një fillim i një përshkallëzimi shtetërorë të Serbisë. Përderisa në veri kemi tokë të plleshme për destabilizim, për aq kohë kemi do të kemi tensione brenda territorit të vendit. Bashkrendimi me aleatë sot është jetësorë”, ka thënë Abdixhiku.
