Kryeministri i Malit të Zi në mandatin teknik, Dritan Abazoviq tha se presidentit Milo Gjukanoviq nuk i interesojnë zgjedhjet aq sa ta mbrojë klanin kavaç.
“Edhe sikur të mos ketë qeveri, askush nuk mund t’i shkatërrojë provat dhe falënderoj Zotin që është subjekt i Europolit”, tha ai pas seancës së Këshillit për Sigurinë Kombëtare.
Ai tha se qeveria ka shumë punë për të bërë në të gjitha segmentet dhe se këto rezultate do të mbeten për aq kohë sa të zgjasë kjo qeveri.
“Presidenti i shtetit ka miratuar dje Dekretin për shpërndarjen e Kuvendit… Ai nuk i referohet Ligjit për Presidentin, thotë neni i Kushtetutës dhe bën marrëzira juridike”, tha ai.
Abazoviq u bëri thirrje deputetëve që ta marrin në dorë çështjen e shkurtimit të mandatit, raporton vijesti.me.
Ai ka vlerësuar se dekreti i Gjukanoviqit nuk është në përputhje me Kushtetutën dhe u ka bërë thirrje gjyqtarëve të asaj gjykate që të “zgjohen”.
“Ka një problem të natyrës politike që e ka bërë katër ditë para zgjedhjeve”, ka shtuar ai dhe ka pohuar se Gjukanoviq është “shtyrë nga veprimi i djeshëm”.
Ndryshe, zgjedhjet e jashtëzakonshme në Mal të Zi mbahen më 11 qershor.
