Kryeministri i Kosovës, Albin Kurti ka njoftuar në Twitter për telefonatën që ka pasë mbrëmë me Këshilltarin Special amerikan, Derek Chollet.
Ai tha se në bisedën me të i ka thënë që planin e BE-së e ka pranuar si bazë të mirë për bisedime, derisa ka shtuar se Kosova është e përkushtuar për marrëdhënie të mira fqinjësore.
“Mbrëmjen e kaluar me Këshilltarin Special Derek Chollet u diskutua për rëndësinë e ecjes përpara në dialog bazuar në propozimin e BE-së, i pranuar si një bazë e mirë për bisedimet e mëtejshme. Si vendi më demokratik në rajon, Kosova është e përkushtuar për marrëdhënie të mira fqinjësore, si dhe integrim në BE dhe NATO”, ka shkruar Kurti.
Last night w/ @CounselorDOS Chollet, discussed the importance of moving forward on dialogue based on the EU proposal, accepted as a good basis for further talks. As the most democratic country in the region, Kosova is committed to good neighborly relations, ?? & NATO integration.
— Albin Kurti (@albinkurti) February 11, 2023
Ndërkaq, në njoftimin e Zyrës së Kryeministrit për këtë bisedë thuhet se Kurti konfirmoi gatishmërinë e tij për takime të radhës të nivelit të lartë politik dhe shprehu pajtimin e tij për nevojën për intensifikim të procesit të dialogut.
Në anën tjetër, Chollet në postimin e tij në Twitter ku njofton për bisedën që zhvilloi me Kurtin, thotë se ka mirëpritur vendimin e Kosovës për të pranuar propozimin e BE-së për normalizimin e marrëdhënieve me Serbinë.
“Tani na duhet zbatimi për të siguruar përfitime të rëndësishme për të dy vendet”, ka shkruar Chollet.
Spoke with PM @albinkurti today. We welcome Kosovo’s decision to accept the EU proposal for normalized relations with Serbia through the EU-Facilitated Dialogue. Now we need implementation to secure significant benefits to both countries.
— Derek Chollet (@CounselorDOS) February 10, 2023
