Ambasadori rus në Beograd, Aleksandar Bocan Harchenko i është përgjigjur pyetjeve se si do të vepronte shteti rus në rast se Serbia i vendos sanksione dhe nëse do të pengonte anëtarësim e Kosovës në Kombet e Bashkuara.
Ai pohoi se për Rusinë, si një anëtare e përhershme e Këshillit të Sigurimit do të jetë i rëndësishëm qëndrimi i qeverisë serbe në raport me Rusinë, raporton danas.
Ndaj kësaj interviste ka reaguar themeluesja e Fondit për të Drejtën Humanitare, Natasha Kandiq, e cila beson se ambasadori rus i ka dhënë mesazh të qartë presidentit serb, Aleksandar Vuçiq.
“Mesazhet e djeshme të ambasadorit rus në Beograd janë më shumë një paralajmërim për Vuçiqin, se Rusia do të votojë për anëtarësimin e Kosovës në Këshillin e Sigurimit të OKB-së nëse Serbia i vendos sanksione…”, ka shkruar Kandiq.
Jučerašnje poruke ruskog ambasadora u Beogradu više su upozorenje @avucic da će Rusija u Savetu bezbednosti glasati za clanstvo Kosova u UN ako Srbija uvede sankcije a ne da će stav Rusije zavisiti od odluke @avucic, kako je rekao.
— Natasa Kandic (@natasakandic) February 10, 2023
Theksojmë se Serbia dhe Bjellorusia janë vendet e vetme evropiane që nuk i kanë vendosur sanksione shtetit rus pas pushtimit të Ukrainës.
Ndryshe, kryeministri i Kosovës, Albin Kurti ka pohuar se e pranon propozimin evropian të mbështetur edhe nga ShBA-së.
