Kryeministri i vendit, Albin Kurti, dhe ministri i Mbrojtjes, Armend Mehaj, kanë vizituar Kryesinë e Këshillit Turk në Kosovë (KFOR-i Turk) ku dhe kanë përcjellë ngushëllimet e tyre për personat që kanë humbur jetë në tërmetet e fuqishme që e goditën shtetin e Turqisë të hënën e kaluar, shkruan KosovaNews.
“Bashkë me Kryeministrin e Republikës së Kosovës, z. Albin Kurti ishim në bazën ushtarake të KFOR-it turk në Prizren, për t’u shprehur ngushëllime zv. Ambasadores të Republikës së Turqisë, Şeyda Aydın Çimenli si dhe Komandantit të Kontingjentit Turk ne Prizren, Kolonelit Recai Yılmaz për dëmet e shkaktuara nga tërmeti i cili goditi Turqinë katër ditë më parë.”, ka shkruar ministri Mehaj në facebook.
Ai ka thënë se Kosova ka qenë njëra nga shtetet e para që ka ofruar ndihmën për popullin turk, me njësitë tona të kërkim – shpëtimit, operacion ky që është duke vazhduar edhe në këto momente.
Ai bëri të ditur se sonte ekipit të FSK-Së në Turqi do t’iu bashkohen edhe një grup tjetër nga garda kombëtare, e po ashtu ka konfirmuar gatishmërinë e Kosovës pë të ofrouar ndihmë shtesë nëse kërkohet.
Ministri Mehaj ka thënë se falënderim meriton edhe populli ynë me shpirtin humanitar, të cilët janë mobilizuar dhe kanë dhuruar e po dhurojnë ndihma për popullin turk, një gjë të tillë pamë nga afër edhe në bazën të cilën vizituam.
“Në situata të tilla jemi të gjithë bashkë për të ofruar gjithë ndihmën e nevojshme.”, ka shkruar Mehaj në facebook.
