Deputeti nga komuniteti turk në Kuvendin e Kosovës, Enis Kervan, i ka falënderuar institucionet dhe popullin e Kosovës për ndihmën që po i ofron Turqisë pas tërmetit.
Nga foltorja e Kuvendit, deputeti Kervan ka thënë se shpëtimi i fëmijës dyvjeçar i fëmijës dhe nënës së tij nga ana e FKS-së, e bën krenar për shtetin e tij.
“Kosova është mobilizuar që në momentin e parë për t’u solidarizuar me Turqinë. Jam krenar sepse Kosova ime tani është bërë një vend i fortë i cili qëndron pranë vendeve mike. Shpëtimi i një fëmije dyvjeçar dhe nënës së tij nga FSK-ja më bëri edhe një herë krenar për shtetin tim”, ka thwnw mes tjerash deputeti Kervan.
Ekipet e Kërkim-Shpëtimit nga FSK pas shumë përpjekjeve kanë arritur të mërkurën t’i nxjerrin të gjallë nga rrënojat një vajzë dyvjeçare dhe nënën e saj.
FSK fillimisht nxori të gjallë vajzën dy vjeçare dhe pastaj pas shumë përpjekjeve arritën ta nxjerrin të gjallë edhe nënën e dyvjeçares.
