Ekipet e Kërkim-Shpëtimit pas shumë përpjekjeve kanë arritur të mërkurën t’i nxjerrin të gjallë nga rrënojat një vajzë dyvjeçare dhe nënën e saj.
FSK fillimisht nxori të gjallë vajzën dy vjeçare dhe pastaj pas shumë përpjekjeve arritën ta nxjerrin të gjallë edhe nënën e dyvjeçares.
“Momenti i nxjerrjes nga rrënojat i nënës së vajzës dy vjeçare nga heronjtë tanë! Angazhim vetëmohues për të bërë bashkë në jetë nënë e bijë! Krenar me heronjtë e heroinat tona!”, ka shkruar ministri i Mbrojtjes i Kosovës, Armend Mehaj, i cili ka bërë publike edhe videon.
Kurse në një njoftim të FSK-së thuhet se operacionet e Kërkim-Shpëtimit do të vazhdojnë deri sa të nxirret edhe qytetari i fundit nga rrënojat, ndërsa theksohet se motivi i ushtarakëve nga Kosova është i lartë, profesionalizmi dhe disiplina po japin rezultate.
