Kryeministri i vendit Albin Kurti është deklaruar lidhur ne dërgimin e Forcës së Sigurisë së Kosovës drejt zonave të prekura nga tërmeti që la mijëra të vdekur në Turqi, përcjell KosovaNews.
“Me vendim të Qeverisë, kontingjenti i Forcë së Sigurisë së Kosovës për operacione humanitare porsa u nis sonte për në Turqi, për të ju dalë në ndihmë institucioneve dhe popullit turk në rajonet e goditura nga tërmeti.”, ka shkruar kryeministri Kurti në facebook.
Ai, në emër të Qeverisë së Republikës së Kosovës dhe popullit të saj u ka shprehur edhe njëherë ngushëllimet më të thella popullit turk dhe familjarëve të viktimave të tërmetit e të lënduarve shërim sa më të shpejtë.
“Vetëm tri ditë pas pritjes së ngrohtë nga Presidenti Erdoğan, në mëngjesin e sotëm u tronditëm nga lajmi për tërmetin shkatërruese në Turqi.”, u shpreh ai.
Kurti, ka thënë se solidarizohen dhe i qëndrojnë pranë popullit dhe shtetit turk në këto kohë të vështira.
‘Shpresojmë dhe urojmë që kjo tragjedi të kalojë me sa më pak viktima.”, ka shkruar Kurti në facebook.
