Aeroporti Ndërkombëtar i Prishtinës “Adem Jashari” është duke u evakuar si pasojë e një kërcënimi me bombë.
Valentina Gara, zëdhënëse e ANP-së ka njoftuar se kanë pranuar një kërcënim me bombë.
“Njoftim zyrtar! Konfirmojmë se kemi pranuar një kërcenim me bombë. Udhëtarët dhe personeli janë evakuar. Ekipet emergjente jane involvuar ne detyrat dhe pergjegjesite e caktuara”, shkroi ajo në Facebook.
Kohëve të fundit ka pasur disa herë alarme për bomba në Aeroportin e Prishtinës, po që të gjitha deri më tani kanë dalë të rreme.
Alarmi i fundit, para këtij të ditës së hënë, ka qenë më 22 dhjetor të vitit të kaluar.
