Policia e Kosovës njofton se mbrëmë, në ora 22:00 në rrugën “Dëshmorët e Kombit” në qytet të Ferizajt policët kanë arrestuar personin e kërkuar me urdhëresë të gjykatës N.A (M/K) i moshës 29 vjeçar.
Ai ishte i kërkuar në bazë të urdhëresës së Gjykatës Themelore në Ferizaj për veprën penale ‘’Posedim i narkotikëve, substancave psikotrope dhe analoge’’ me dënim burgimi prej 1 vit e 2 muaj.
Bëhet e ditur se pas kompletimit të dokumentacionit, i njëjti është dërguar direkt në vuajtje të dënimit në burg.
Policia Rajonale e Ferizajt thekson se do të vazhdojë me realizimin e urdhëresave të gjykatës ndaj personave që ende nuk i janë përgjigjur thirrjes së gjykatës.
