Pas procedimit në Kuvend të amendamenteve kushtetuese për vettingun, sot ka mbajtur takimin e parë Grup për hartimin dhe finalizimin e projektligjeve për realizimin e procesit të Vettingut në Sistemin e Drejtësisë.
Këtë e ka konfirmuar vetë ministrja e Drejtësisë, Albulena Haxhiu, e cila tha se kanë ofruar mbështetje për Komisionin Ad-hoc të Kuvendit për Zhvillimin e Procesit të Vlerësimit Kalimtar.
“Ofrova mbështetjen time për grupin punues dhe ritheksova rëndësinë e këtij procesi për qytetarët dhe shtetin”, ka shkruar ajo.
Më 4 shtator 2022, kryeministri i Kosovës, Albin Kurti dhe ministrja e Drejtësisë, Albulena Haxhiu, kanë dorëzuar në Kuvend dosjen e dokumenteve të procesit të Vettingut.
