Policia e Kosovës ka arrestuar një shtetas malazias në pikë kalimin kufitar në Kullë, nën dyshimin se ka tentuar ta korruptojë një zyrtar policor.
Në raportin e Policisë thuhet se i dyshuari, bashkë me dokumentet, kishte tentuar t’ia japë policit edhe një kartëmonedhë në vlerë prej 5 eurosh.
“Është arrestuar i dyshuari mashkull shtetas i Malit të Zi për shkak se derisa kishte qenë duke drejtuar kamionin me targa të huaja në vendkalimin kufitar në dalje, zyrtarit policor së bashku me dokumente ia kishte dhëne një kartëmonedhë në vlerë 5 euro. Lidhur me rastin është njoftuar prokurori”, thuhet në njoftim.
