Ministri i Mjedisit, Planifikimit Hapësinor dhe Infrastrukturës, Liburn Aliu, nëpërmes një adresimi nga llogaria e tij në rrjetin social facebook, ka publikuar një video, në të cilën shfaqet ndërlidhja e dy porteve mes Kosovës dhe Shqipërisë.
“Në Prishtinë, në mbledhjen e tetë të dy Qeverive tona, ku u prezantua ndërlidhja e dy porteve përmes linjës hekurudhore, Portit të Thatë në Prishtinë dhe Portit të Durrësit, si marrëveshje strategjike që do t’i bashkojë ekonomitë tona dhe do t’i fuqizojë mundësitë për zhvillim”, ka shkruar në postimin e tij Aliu.
Kjo marrëveshje, është konkretizuar në mbledhjen e sotme të dy qeverive, Kosovë – Shqipëri, që po mbahet në Prishtinë. /Kosovanews/
