Departamenti Amerikan i Shtetit ka thënë se në masë të madhe do të ndalojë së shkruari fjalën “Turkey” dhe në vend të kësaj do ta quajë vendin “Türkiye”, duke rënë dakord me një kërkesë të qeverisë turke, e cila nuk do që emri të asocojë me shpendët (sipas gjuhës angleze).
Në një deklaratë që njoftonte masat për të penguar financuesit e grupit të Shtetit Islamik, Departamenti i Shtetit shkroi për veprim të përbashkët midis “Shteteve të Bashkuara dhe Turqisë”, shkruar në origjinal si “Türkiye”.
“Ambasada turke kërkoi që ne ta përdorim këtë emër në komunikimet tona”, tha zëdhënësi i departamentit të shtetit Ned Price, raportoi The Guardian.
“Departamenti do të përdorë emrin që patë sot në shumicën e konteksteve tona zyrtare diplomatike dhe dypalëshe, duke përfshirë komunikimet publike”, tha ai.
Por ai tha se as shkrimi i emrit “Turkey” nuk ishte e ndaluar pasi “kuptohet më gjerësisht nga publiku amerikan”.
Pentagoni e ka shkruar “Türkiye” që nga një deklaratë e gushtit në lidhje me një thirrje midis shefave të mbrojtjes të aleatëve të NATO-s.
Presidenti Recep Tayyip Erdogan në vitin 2021 urdhëroi përdorimin e vazhdueshëm të “Türkiye” në gjuhët që përdorin shkrimin latin.
Turqit janë mërzitur prej kohësh nga karikaturat dhe referencat e tjera që lidhin emrin e vendit të tyre në anglisht me gjel detin – që besohet të quhet kështu sepse britanikët mendonin se specia, autoktone në Amerikën e Veriut, vinte nga lindja.
