Deputeti i Kuvendit të Kosovës nga radhët e Lëvizjes Vetëvendosje, Mefail Bajqinovci ka ironizuar me reagimin e kreut të LDK-së, Lumir Abdixhiku, i cili sot kërkontë sqarime nga Qeveria e Kosovës pas deklaratës së ambasadorit amerikan se tani nuk është koha për njohje nga ana e Serbisë.
Bajqinovci i ka dëerguar të fala Abdixhikun, ndërsa ka përmendur faktin se askush nga LDK nuk ka shpërndarë postimin e tij.
“E lexova statusin e Lumir Abdixhikut. Për 3 orë ishte shpërndarë (shares) vetëm 77 herë. Asnjë deputet i LDK-së nuk ia kishte bërë ‘share’. Nuk kanë faj, edhe unë të kisha qenë deputet i LDK-së isha distancu nga një shkrim i tillë. Të fala nga Amerika”, ka shkruar Bajqinovci në rrjetin social , si reagim ndaj asaj që postoiu më parë kreu i LDK-së.
Abdixhiku sot paradite ka shkruar se më 7 shkurt të vitit 2021, presidenti Joe Biden, nëpërmjet një letre urimi, i kishte kërkuar presidentit të Serbisë Vuçiq, arritjen e një marrëveshje gjithëpërfshirëse me Kosovën të përqendruar në njohjen e ndërsjellë.
“Saktësisht dy vite me Qeverinë Kurti, dhe pozicioni ndërkombëtar i Kosovës duket qartazi i rënduar. Tani aleati ynë kryesor thekson se koha nuk është për njohje. Ky qëndrim vjen si pasojë e papërgjegjësisë populliste që për politikë turmash jo që s’arriti të përfitojë nga kjo administratë, por pariparueshëm degradojë relacionet në qëndrime që tani dhe normalizojnë mosnjohjen”, ka shkruar ndër të tjera Abdixhiku.
