Pasi nënkryetarja e PDK-së, Vlora Çitaku ka bërë në sërë kritikash në adresë të Qeverinë e Kosovës rreth arritjes së marrëveshjes me Serbinë, ka reaguar deputeti i Vetëvendosjes, Artan Abrashi, i cili ka shtruar edhe disa pyetje për Çitakun.
Abrashi ka ironizuar, duke thënë se meqë Çikatu është shumë e dijshme dhe profesionale duhet të sqarohet në për disa çështje.
“Një pyetje për Vlora Çitakun, meqë është shumë e dijshme dhe profesionale: a na sqaron ajo se si u katandisë Kosova që 3 vjet pas vendimit të Gjykatës Ndërkombëtare të Drejtësisë u pajtua për të nënshkruar marrëveshjen për Zajednicë, dhe se si 20 vjet pas luftës dhe 11-12 vjet pas shpalljes së pavarësisë, ajo vet u angazhua për ndarjen e Kosovës?”, ka shkruar Abrashi.
E më parë përmes një postimi në Facebook, Çitaku ka thënë se një marrëveshje gjithëpërfshirëse pa njohjen reciproke nuk është as finale e as gjithëpërfshirëse.
“Kryeministri duhet të na e sqarojë se si qenka katandisur procesi deri në atë pikë sa aleatët tanë po thonë që tani nuk është koha për njohje reciproke? Duhesh me qenë tej mase amater e i padijshëm që në kontekstin gjeopolitik më të favorshëm për Kosovën në 15 vitet e fundit, në vend të marrëveshjes për njohje, të kemi një status quo të re, pa njohje dhe me asociacion”, ka deklaruar Çitaku.
Në fund mes tjerash, nënkryetarja e PDK-së ka thënë se ky është “gjenialiteti” i kryeministrit Albin Kurti.
