Dhjetë persona janë arrestuar në Prishtinë për posedim të drogës dhe armëmbajtje pa leje pas hetimeve dymujore nga Drejtoria për hetimin e trafikimit me narkotik.
Sipas njoftimit për media, të dyshuarit janë arrestuar të dielën në rrugën “Vëllezërit Fazliu” në Prishtinë.
Gjatë operacionit policor është bastisur një shtëpi banimi në Prishtinë dhe janë kontrolluar pesë automjete, me ç’rast në cilësi të provave materiale janë sekuestruar një sasi e dëshmive.
Policia ka bërë të ditur se ka sekuestruar 96.6 gram substancë e dyshuar narkotike e llojit marihuanë, 44.4 gramë substancë e dyshuar narkotike e llojit kokainë, 1 armë zjarri, 2 karikator, 17 fishekë, 358.8 euro të dyshuara të jenë fituar nga shitja e narkotikë, 4 telefona celularë, dhe një peshore digjitale.
“Pas kompletimit të rastit me vendim të Prokurorit kujdestar, katër 4 nga të dyshuarit dërgohen në mbajtje, kurse të tjerët janë liruar në procedurë të rregull”, thuhet në njoftim.
