Kryetari i Aleancës për Ardhmërinë e Kosovës, Ramush Haradinaj, ka thënë se situata me barrikadat në veri është zgjidhur falë Shteteve të Bashkuara të Amerikës dhe Bashkimit Evropian.
Përmes një postimi në Facebook ai ka shkruar se deklarata e përbashkët ShBA-BE si përcaktim që problemet e hapura me Serbinë të zgjidhen me mjete politike, është udhërrëfyes që duhet ndjekur edhe nga Kosova.
“Falë Amerikës dhe BE-së, edhe një herë u gjet zgjidhja për një situatë shpërthyese në veri të vendit. Si gjithmonë edhe këtë herë u dëshmua se partneriteti me ShBA dhe BE nuk ka alternativë”, ka shkruar ai.
Sot është ditë e 20-të e vendosjes së barrikadave në veri të Mitrovicës. Ato u vendosen pas arrestimit të ish-zyrtarit policor, Dejan Pantiq.
Pantiq nga paraburgimi, të mërkurën është dërguar në arrest shtëpiak.
Një veprim i tillë është kundërshtuar nga Qeveria.
