Ka nisur aksioni “Karvani i Vaksinimit” në komunën e Fushë-Kosovës dhe Obiliqit. Ky aksioni i organizuar nga Ministria e Shëndetësisë dhe IKSHPK, me mbështetjen e OBSH-së, do të vazhdojë në të gjitha komunat tjera të Kosovës. Organizimi ka për qëllim promovimin e vaksinimit kundër gripit sezonal dhe vaksinimin kundër COVID-19.
Me moton “ Vaksinohuni kundër Gripit sezonal! Merrni dozën bivalente përforcuese kundër COVID-19, ka filluar “Karvani i Vaksinimit.” Me këtë rast qytetarët e Kosovës do të kenë mundësi të vaksinohen përmes autobusit mobil të improvizuar si qendër e vaksinimit kundër Gripit sezonal dhe vaksinimin kundër COVID-19 në të gjitha komunat e Kosovës.
Faik Hoti, udhëheqës i Departamentit të Zhvillimit Strategjik në Ministrinë e Shëndetësisë se qëllimi i këtij aktiviteti është vetëdijesimi i qytetareve për vaksinim.
“Është një aktivitet i cili përveç që e promovon vaksinimin si një dobi të përgjithshme të shëndetit. I promovon edhe masat parandaluese të shëndetit publik dhe e rrit ndërgjegjësimin qytetar për shëndetin publik”, deklaroi Hoti.
Ai tutje thotë se dozat bivalente që do t’u jepen qytetareve janë doza përforcuese, që mbrojnë nga variantet e fundit të Omikron.
“Ajo që është më rendësi të thuhet është se të vaksina Covid 19 është se po jepet doza bivalente përforcuese që ndikon në mbrojtje edhe kundër variantit fillestar që ka shkaktuar Covid-in, por edhe kundër varianteve dhe nën varianteve të fundit që kanë qenë të omikron më të shprehura në Kosovë”, tha ai.
“Karvani i vaksinimit”, ka filluar në Fushë Kosovë dhe Obiliq dhe do të vazhdojë me të gjitha komunat e tjera në Kosovë.
