Fshatrat shqiptare që ndodhen në veri të vendit, të cilat për më shumë se 20 vjet ishin lënë në harresë nga institucionet e Kosovës, tashmë për herë të parë po bëhen me infrastrukturë rrugore, raporton KosovaNews
Me investim të Qeverisë së Kosovës, konkretisht Ministrisë së Infrastrukturës, gjatë këtij viti janë shtuar disa rrugë që lidhin fshatrat shqiptare në veri të vendit me Trepçën dhe Mitrovicën e Jugut . Ndërsa sot ka përfunduar asfaltimi i rrugës në fshatin Maxherë të Mitrovicës së Veriut.
Banorët e këtyre fshatrave kanë shpërndarë fotografi nëpër rrjete sociale ku kanë njoftuar për shtrimin e rrugës së re në fshatin Maxherrë duke iu gëzuar më në fund këtij investimi që po ndodhë për herë të parë në ato anë.
Kujtojmë se ditë më parë Ministrija e Infrastrukturës ka shtuar me asfalt disa rrugë të fshatrave në veri të Kosovës si Bistricë, Batahir, Dedi, Melenic etj. //KosovaNews
