Sot Kryetari i Komunës së Skënderajt, Fadil Nura së bashku me drejtorin për Arsim, Kastriot Duraku, u kanë shpërndarë fëmijëve dhurata me prodhime serbe në prag të festës së Vitit të Ri, shkruan KosovaNews.
“Shpërndarja e dhuratave në prag të festës së Vitit të Ri, nga kryetari i Komunës së Skenderajt, Fadil Nura dhe drejtori për Arsim, Kastriot Duraku, për të gjithë fëmijët e Institucionit Parashkollor “Nëna Zahide” dhe nxënësit e klasës së bashkëngjitur në Shkollën “Shaban Jashari” në qytet. A Gezuar 2023, me shumë dashuri! “, thuhet në njoftimin e komunës.
Por për këtë, kryetari i kësaj komune, është kritikuar nga qytetarët pasi në dhurata gjenden prodhime serbe të firmes “Medene Srce”.
Njëri ndër ta përmes një komenti i drejtohet kryetarit, Fadil Nura duke i thënë se ju qoftë marre, si prodhimet serbe po ua shpërndan fëmijëve.
Ndërkaq, një tjetër qytetar këtë gjest nga Komuna e Skënderajt e quan turp pasi sipas tij ka prodhime nga shtete tjera dhe janë zgjedhur pikërisht produkte të Serbisë, kështu duke u bërë edhe marketing atyre.
Pas kritikave nga opinioni, komuna njëhere e ndryshoi postin duke i fshirë 7 fotot ku shihen dhuratat me llogon “Pionir” më pastaj i shkarkoi 4 foto të bëra montazh me fotoshop ku u fshi llogoja “Pionir”.
Në fund kur e pa që iu zbulua turpi i radhës, e fshiu të gjithë postimin.
