Tashmë janë bërë katër ditë të plota prej që grupet kriminale serbe kanë vendosur barrikada në Rudar, duke e bllokuar kështu qarkullimin e lirshëm të qytetarëve në Mitrovicë të Veriut.
KosovaNews, të martën ka qëndruar në veri të vendit për të përcjellë nga afër situatën ku dhe ka tentuar të marrë prononcime nga qytetarët serbë në lidhje me zhvillimet e fundit. Mirëpo shumica e tyre hezitojnë të flasin për shkak se siç kanë thënë, ndjen të frikësuar dhe kërcënuar nga bandat kriminale të dirigjuara nga Beogradi.
Ndryshe nga ta, guximin e morri qytetarja serbe Snezhana Miliç e cila jeton në pjesën veriore të vendit.
Ajo, përderisa po e kalonte urën e Ibrit, u ndal për një prononcim të shkurtë për KosovaNews.
Miliq, tha se gjendja në veri është e qetë vetëm se sipas saj, Aleksandar Vuçiq, nuk duhet të jetë president i Serbisë, pasi që ai qëndron prapa grupeve kriminale në veri.
Snezhana, bëri thirrje që KFOR-i dhe NATO-ja të ndërhynë për t’i larguar barrikadat të vendosura nga bashkëqytetarët e saj.
“KFOR-i e NATO t’i largojnë menjëherë barrikadat dhe dëshirojmë urgjentisht të hyjmë në NATO”
Ndërsa kur u pyet se çka mendon për Vuçiqin, Miliq u shpreh e revoltuar duke thënë se ia mendon të gjitha të këqijat dhe se ai është një kriminel.
“Ooo të gjitha më te këqijat kriminel, kriminel .”
