Presidentja Vjosa Osmani, gjatë Samitit të liderëve të Bashkimit Evropian dhe Ballkanit Perëndimor, në Tiranë, ka takuar kryeministrin e Republikës së Kroacisë, Andrej Plenković.
Presidentja Osmani dhe kryeministri Plenković kanë diskutuar për marrëdhëniet bilaterale ndërmjet të dy vendeve, si dhe për zhvillimet e fundit politike dhe të sigurisë.
Presidentja Osmani ka thënë se Kosova është mirënjohëse për mbështetjen e vazhdueshme të Kroacisë për finalizimin e procesit të vizave dhe për avancimin e rrugës së Kosovës për në BE, e cila zyrtarisht do të aplikojë për anëtarësim.
