Për kaset-bombat dhe gjuajtjet me armë zjarri në veri nga bandat kriminale në zyret e KQZ-së, ka reaguar edhe ambasadori i Francës në Kosovë, Olivier Guerot.
Guerot, përmes një postimi në llogarinë zyrtare të tij në ‘Twitter’, i ka cilësuar si “shumë shqetësuese” aktet e frikësimit, ndërsa ka kërkuar që kjo çështje të zgjidhet përmes dialogut.
“Aktet e frikësimit janë shumë shqetësuese. Dialogu është rruga e duhur”, ka deklaruar ambasadori francez.
Lidhur me ngjarjet e fundit në veri ka reaguar edhe ambasadori gjerman në Kosovë, Jorn Rohde, duke përshëndetur prezencën e Policisë së Kosovës dhe atë të EULEX-it.
The acts of intimidation are very concerning. Dialogue is the way forward. https://t.co/zDrl9qGvY4
— Ambassadeur Olivier Guerot (@Olivier_Guerot) December 7, 2022
“Vërtet shumë shqetësuese. Dhuna e djeshme ndaj zyrave zgjedhore komunale është e papranueshme. Mirë që PK-ja në koordinim me EULEX-in dhe KFOR-in është prezente. Mbështetje e plotë për demonstratat paqësore, por zero tolerancë ndaj dhunës”, ka deklaruar Rohde.
