Komisionin Qendror i Zgjedhjeve (KQZ) ka planifikuar që sot mund të bëhet tërheqja e shortit për renditjen e subjekteve politike për zgjedhjet në veri të vendit.
KQZ ka njoftuar se sot (e mërkurë) në orën 09:00 organizohet tërheqja e shortit për renditjen e subjekteve politike në fletëvotimin e zgjedhjeve të jashtëzakonshme të 18 dhjetorit për kryetar të katër komunave: Mitrovicë e Veriut, Zveçan, Zubin Potok dhe Leposaviq, si dhe për zgjedhjet e parakohshme të 25 dhjetorit për Kuvendin Komunal të Zveçanit dhe Leposaviqit.
Zyra e Komisionit Qendror të Zgjedhjeve në veri të Mitrovicës dje pasdite është sulmuar nga persona të panjohur.
Zëdhënësi i Komisionit Qendror të Zgjedhjeve, Valmir Elezi, deklaroi për KosovaNews zyrtarët kanë shkuar në zyrat e tyre të KQZ-së në Mitrovicë të Veriut dhe në Zubin Potok, nën përcjelljen e Policisë, por ushtrimi i detyrës zyrtari s’ka qenë i mundur.
Shpërthimet i ka konfirmuar edhe Policia e Kosovës, ndërsa ka bërë të ditur se nga pasditja e martës janë regjistruar disa incidente në disa zona të Zubin Potok-ut dhe Mitrovicës së Veriut, por që nuk është raportuar për të lënduar.
Sipas Policisë, grupet e maskuara kanë përdorë edhe granata dore të prodhimit jugosllav gjatë sulmit të zyrave të Komisionit Qendror të Zgjedhjeve.