Ministri i Bujqësisë, Faton Peci e ka pritur sot në takim homologun nga Maqedonia e Veriut, Ljupço Nikolovski, me të cilin diskutuan rreth mundësive të avancimit të bashkëpunimit mes dy shteteve.
Me qëllim të avancimit të mëtutjeshëm të sektorëve që ministritë respektive i mbulojnë, ministri Peci tha se janë dakorduar që ta thellojmë bashkëpunimin ndër-institucional e ndër-shtetëror duke hartuar projekte të përbashkëta ndër-kufitare me qëllim të fuqizimit ekonomik të bujqve që jetojnë rreth zonës kufitare ??Kosovë – ?? Maqedoni e Veriut.
“Njëherit, ramë dakord për shkëmbim eksperiencash në hartimin e politikave, përafrimin e tyre me ato të BE-së, heqjen e barrierave jo-tarifore, rritjen e kontrollit kufitar me qëllim ruajtjen e sigurisë ushqimore, hartimin e përbashkët të politikave pyjore si dhe krijimin e një grupi teknik-administrativ i cili do t’i bartë më tutje frerët e hartimit dhe implementimit të marrëveshjeve që do vijojnë mes institucioneve tona”, ka thënë Peci.
Duke e falënderuar ministrin Nikolovski për konstruktivitetin dhe bashkëpunimin e ndërsjellë, Peci tha se të tilla takime, kultivojnë marrëdhëniet miqësore që popujt dhe shtetet tanë kanë mes vete, si dhe hapin rrugë drejt forcimit të pozitës së bujqve, përmes shkëmbimit të praktikave më të mira që ua lehtësojnë veprimtarinë.
