BBC-ja britanike i ka kushtuar një artikull arritjes së marrëveshjes për targat në Bruksel.
Në këtë artikull thuhet se Kosova dhe Serbia janë dakorduar për hapat që do të çonin në zbutjen e mosmarrëveshjes për targat serbe të veturave, të cilat kishin kërcënuar të shkaktonin dhunë, shkruan BBC
Përfaqësuesi i lartë i BE-së për Politikë të Jashtme, Josep Borrell, ka njoftuar përmes një postimi në Twitter, se “është arritur marrëveshja”, duke theksuar se të dyja palët do të punojnë në normalizim të marrëdhënieve.
Pala kosovare ishte zotuar se do të fillojë me gjobitjen e shoferëve nëse vazhdojnë t’i përdorin të njëjtat targa që janë lëshuar nga Beogradi.
Por bisedimet në Bruksel rezultuan me arritjen e marrëveshjes rreth kësaj çështje – pra atë të targave.
Borrell njoftoi se Serbia nuk do të lëshojë më targat me KM, PR apo PZ, derisa Kosova është zotuar që tabelat ekzistuese – pra që janë regjistruar së fundmi me KM nuk do të preken derisa të skadojnë.
Të hënën Borrell shprehu zemërim kur Kosova refuzoi të pranojë marrëveshjen e propozuar të BE-së.
Por, pala kosovare iu rikthye bisedimeve pas presioneve të aleatëve siç janë Shtetet e Bashkuara
