Komisioni i Ekonomisë pas debateve të shumta të cilat kaluan dhe në fyerje mes deputetësh, ka miratuar marrëveshjen e projektit për ndërtimin e Portit të Durrësit.
Gjatë diskutimeve, përfaqësuesit ngritën një sërë pyetjesh për projektin dhe investitorët ku kërkuan që në në komision të ishin të pranishëm zyrtarët që firmosën për këtë projekt, por përfaqësuesit e qeverisë thanë se çdo gjë është transparente.
Zhvilluesit të projektit i është vënë në dispozicion 800 mijë metra katrore pronë për ndërtimin e portit të ri.
Punimet për portin e ri turistik të Durrësit do kalojnë në dy faza, e para zgjat deri në 7 vjet dhe nuk prek aktivitetin aktual të portit.
I gjithë investimi me hapësira të dedikuara për jahte dhe krocera, hotele e qendra komerciale parashikohet të përfundojë për maksimumi 20 vite.
Kujtojmë që më 9 Shtator, Kuvendi miratoi futjen me procedurë të përshpejtuar të projektligjit për ndërtimin e portit turistik të Durrësit.
