Kryeministri i Kosovës Albin Kurti është paraqitur sot me një fjalë rasti në hapjen e Forumit Ekonomik të Vjenës.
Forumi Ekonomik i Vjenës ka nisur punimet sot dhe kryeministri Kurti foli gjatë diskutimeve me temën “Sigurimi i zhvillimit ekonomik rajonal në një mjedis të pasigurt. – Si të menaxhohen sfidat nën presionin e realitetit?”.
Pjesë e këtij diskutimi do të jenë edhe kryeministri i Rumanisë, Nicolae-Ionel Ciuca, kryeministri i Republikës së Kroacisë, Andrej Plenkoviq, zëvendëskryeministrja e Republikës së Shqipërisë, Belinda Balluku, dhe zëvendësministri i Punëve të Jashtme të Turqisë, Faruk Kaymakci.
Forumi i 19-të Ekonomik i Vjenës: “Dialogu i së ardhmes së Vjenës 2022 – Ekonomia takohet me politikën në kohë të vështira dhe të pasigurta”, ka nisur punimet nga ora 9:00.
Në këtë forum do të diskutohet edhe tema “A mund të jetë ekonomia një forcë lëvizëse në kohë të vështira dhe të pasigurta?”.
