Samitit i parë Rajonal për Mbrojtje nga Diskriminimi Racor është duke u mbajtur sot në Prishtinë.
Aty i pranishëm është edhe kryeministri Albin Kurti, i cili gjatë fjalimit të tij tha se është i angazhuar që të përmirësohen sa më shumë të drejtat ndaj komuniteteve romë, ashkali dhe egjiptian.
Në këtë rast, Kurti, ka ndarë 100 bursa për komunitetet rom, ashkali, egjiptian, me synim e qëllim siç u tha që në të ardhmen Kosova të këtë mësues nga këto komunitete.
“Për herë të parë organizohet nga Qeveria e Kosovës Samiti Rajonal për Mbrojtjen nga Diskriminimi Racor, për të diskutuar se si vendet e Ballkanit Perëndimor mund të luftojnë diskriminim, në mënyrë që të rritet mirëqenia. Na duhet angazhim i përbashkët, na duhet punë e përbashkët edhe nga qytetarët, që të qojmë përpara zhvillimet e mbrojtjes, duke qenë të vetëdijshëm që gjendja e pakicës nuk është e mirë. Ne e dimë që ata që kanë më së shumti ja bëjnë qaren vetit, kështu që për ata që kanë më së paku, Qeveria e Republikës së Kosovës do të vazhdojë përkushtimin e saj më gjithëpërfshirje ndaj komuniteteve, duke ofruar edukim, shëndetësi dhe arsim të barabartë” deklaroi kryeministri.
Tutje, i pari i Qeverisë deklaroi se janë ndarë 500 bursa edhe për fakultete të tjera, përveç atij të Edukimit.
“Me këtë qëllim kemi ndarë bursa për 100 nxënës për studime në Fakultet të Edukimit, në rast që të ardhëm të kemi mësues dhe mësuese nga komunitetet. Kemi ndarë 500 bursa për komunitetin në fakultete të ndryshme por këto 100 janë të veçanta”, tha Kurti.
Ky samit është duke u organizuar për herë të parë në Kosovës dhe është nën udhëheqjen e Zyrës së Kryeministrit të Kosovës.
Të pranishëm në këtë organizim janë edhe përfaqësues të ambasadave, siç është ambasadori i ShBA-së, mandej zyrtarë të lartë nga vende fqinje etj./KosovaNews/
