Sot në Pejë Sindikata e Policisë së Kosovës hapi turneun tradicional të lojërave sportive, i cili organizohet në shenjë nderimi dhe përkujtimi të zyrtarëve policorë të renë në kryerje të detyrës.
Në ketë event sportiv të organizuar nga Sindikata e Policisë së Kosovës morën pjesë përfaqësues nga sindikatat e vendeve mike nga rajoni dhe më gjerë, përfaqësues nga Komuna e Pejës, familjarë të policëve tē rënë në kryerje të detyrës dhe menaxhmenti policorë nga niveli qendror dhe ai lokal.
Sindikata e PK-së në shenjë falenderimi ndau mirënjohje për përfaqēsuesit e Sindikatave nga Shqipëria, Mali i Zi, Maqedonia e Veriut, Kroacia dhe përfaqësuesit nga Kuvendi Komunal i Pejës.
Po ashtu, Sindikata e PK-së ndau një mirënjohje të veçantë për Këshillin Evropian të Sindikatave Policore (CESP) të cilët përmes zëvendës sekretarit të tyre, kishin adresuar një letër falënderimi për sindikatën e PK-së.
Gjatë këtij eventi sportiv, Sindikatës së Policisë së Kosovës, nga zëvendës sekretari i përgjithshëm i Këshillit Evropian të Sindikatave Policore (CESP), Marian Kicev, iu kumtua lajmi pozitiv se Sindikatës së PK-së u është pranuar kanditatura në anëtarësim të CESPA- së.
Në rastin e pranimit të kandidaturës, Kryetarit të Sindikatës, Imer Zeqirit iu dhurua edhe një shenjë me mbishkrimin CESP.
Sindikata e PK-së pas anëtarësimit të plotë pritet të jetë anëtare me të drejta të barabarta krahas të gjitha sindikatave të policive evropiane.
Sindikata e PK-së vazhdon t’i përkrah dhe mbështet zyrtarët policorë në aspektin sindikal, përfshirë dhe duke mos i harruar kurr edhe familjarët e policëve të renë në kryerje të detyrës, ku bijtë e tyre dhanë atë me sublimen, dhanë jetën e tyre në shërbim të vendit dhe qytetarëve të Kosovës.
Ky event sportiv i organizuar nga Sindikata e PK-së u përkrah dhe u mbështet me donacione nga Komuna e Pejës dhe kompani të ndryshme, të cilëve Sindikata e PK-së u është shumë mirënjohëse dhe falënderuese.
