Ministria e Financave, Punës dhe Transfereve (MFPT) e ka hapur thirrjen për aplikim në programin “Praktikë në Punë” për 100 të rinj të cilët do të angazhohen në Qendrat për Punë Sociale, Qendrat Rezidenciale për të moshuar dhe aftësi të kufizuara, si dhe OJQ-të e licencuara nga MFPT, raporton KosovaNews.
Në këtë hapje të thirrjes janë publikuar edhe kushtet dhe kriteret për të gjithë ata që janë të interesuar të kryejnë këtë praktikë me pagesë.
Kushtet e praktikës:
Kompensimi: 170 euro;
Kohëzgjatja: 6 muaj.
Kriteret për aplikim:
18-25 vjeçar;
Ata që janë të interesuar sipas Ministrisë së Financave duhet të jenë të diplomuar në drejtimet Punë Sociale, Psikologji, Sociologji, Pedagogji ose Infermieri, ndërsa nota mesatare të jetë mbi 8.0.
“Aplikimi bëhet përmes e-mail adresës: [email protected] Thirrja është e hapur deri më 11 nëntor 2022”, thuhet nga ministria./KosovaNews/
