Ministri i mjedisit dhe Planifikimit Hapësinor, Liburn Aliu, nëpërmjet një postimi në Facebook, ka thënë se pas vendimit të skadimit të vendimit për lejimin e panove, kanë filluar heqjen e panovo reklamuese dhe do të vazhdojë deri në largimin e tyre në tërsi.
“Pas skadimit të vendimit për lejimin e panove reklamuese, sot kemi filluar me heqjen e të gjitha panove reklamuese në mbikalime, nënkalime, ura, autoudhë dhe rrugë nacionale e regjionale”, ka thënë ministri Aliu.
Sipas ministrit, aksioni për largimin e panove reklamuese ka filluar nga Hani Elezit në drejtim të Prishtinës dhe do të vazhdojë deri në realizimin e kërkesës për largimin e të gjitha panove reklamuese.
Ai ka thënë se tashmë në terren gjenden:
Divizioni i Inspektimit;
Anëtarët e Komisionit;
Policia e Kosovës dhe Kompania e mirëmbajtjes së autoudhës, e cila është duke bërë sinjalizimin gjatë largimit të panove./KosovaNews
