Zëvendëskryeministri i Kosovës, Besnik Bislimi e ka dënuar sulmin me gurë ndaj autobusit të kompanisë “Turist Kosova e Re”, që ndodhi gjatë ditës së shtunë në Serbi, raporton Kosovanews.
Numri dy i Qeverisë përmes një postimi në Twitter ka shkruar se për këtë rast janë njoftuar autoritetet serbe, por të njëjtat nuk kanë ndërmarrë ndonjë veprim.
“Dënojmë ashpër sulmin e planifikuar ndaj autobusit nga Kosova, gjatë daljes nga autostrada në Serbi. Autoritetet serbe janë informuar për sulmin, por nuk është ndërmarrë asnjë veprim. Ky mosveprim mund të interpretohet lehtësisht si ftesë e nënkuptuar për akte të tilla të tmerrshme”, ka shkruar Bislimi.
We strongly condemn the planned attack towards a Kosovar bus, while exiting a highway in Serbia. Serbian authorities have been informed about the attack, but no actions were taken. This inaction could be easily interpreted as implicit invitation for such horrible acts. pic.twitter.com/f0g90xJFky
— Besnik Bislimi (@BislimiBesnik) October 10, 2022
Autobusi nga Kosova i kompanisë “Turist Kosova e Re”, është sulmuar të shtunën mbrëma me gurë në Serbi, derisa po kthehej nga Zvicra.
Sipas kompanisë në autobus kanë qenë 20 udhëtar që fatmirësisht kanë shpëtuar pa lëndime, ndërkaq sulmi është kryer nga dy persona të maskuar.
