Një person është lënduar si pasojë e një aksidenti në rrugën Shtërpcë – Brezovicë.
Rasti ka ndodhur rreth orës 2:20 të mëngjesit.
Të përfshirë në këtë aksident kanë qenë dy vetura, ka thënë Kanun Veseli, zëdhënës i policisë për rajonin e Ferizajt.
“Sot, rreth orës 02:20 të mëngjesit, në rrugën Shtërpcë-Brezovicë ka ndodhë një aksident komunikacioni, ku në të janë përfshirë dy automjete me targa vendore. Veç dëmeve të shkaktuara materiale në automjete, një person ka pësuar lëndime trupore dhe i njëjti, pasi ka marrë ndihmën e parë mjekësore në Shtërpcë, me autoambulancë është dërguar në drejtim të Graqanicës, për tretman të mëtutjeshëm mjekësor”, tha Veseli.
