Instituti Hidrometeorologjik i Kosovës (IHK) njofton se sot do të mbajë mot me vranësira dhe intervale me diell në Kosovë.
Nga IHK thuhet se kjo situatë stabile meteorologjike do të jetë prezente mbi gjithë vendin.
“Situatë pothuajse e ngjashme meteorologjike do të mbizotërojë në gjithë territorin e Kosovës, me luhatje të lehta në vlerat e temperaturave ekstreme, minimaleve dhe maksimaleve”, thuhet në njoftimin e IHK.
Tutje bëhet e ditur se sipas parashikimeve temperaturat minimale të ajrit do të lëvizin ndërmjet 9-11 gradë Celsius, ndërsa, maksimalet e ditës parashihen të lëvizin ndërmjet 19-21 gradë Celsius.
Do të fryjë erë nga drejtimi i veriperëndimit e lehtë deri mesatare.
