Sot, Lëvizja Qendra në Prizren, mbajti konferencë për media lidhur me skandalet e vazhdueshme që po ndodhin në arsim në Komunën e Prizrenit. Këshilltarët komunal, Selman Sokoli dhe Faruk Tahiri në emër të Grupit të Këshilltarëve të LVV-së në Asamblenë Komunale, shprehën shqetësimin e LVV-së me procesin e zgjedhjes së drejtorëve dhë zv drejtorëve të shkollave në Komunën e Prizrenit.
Duke shprehur shqetësimin për veprimet e qeverisjes lokale në Komunën e Prizrenit, këshilltari komunal Selman Sokoli theksoi “Fatkeqësisht në Prizren është kthyer keq-qeverisja e modelit që ishte në komunën tonë nga viti 2007 deri në vitin 2017. Zgjedhjet e fundit lokale prodhuan një pushtet klientelist dhe pa program qeverisës. Oferta e PDK-së nuk ishte për qytetarin, por për grupe të caktuara dhe klane të ndryshme, prandaj edhe qeverisja është në shërbim të favoreve të këtyre klaneve.” Për të vazhduar më tej me faktin se lidhur me rastin konkret për të cilën është ftuar konferenca, pra arsimin në komunën e Prizrenit, ka raporte shqetësuese për degradim tejmase të të gjithë procesit të përzgjedhjes së drejtorëve dhe zv drejtorëve të institucioneve paraunversitare publike edukativo-arsimore në komunën tonë. Ai shpjegoi gjithë kronologjinë e shkeljes së udhëzimeve dhe ligjeve në fuqi gjatë këtij procesi, duke filluar nga propozimi i anëtarëvë të Komisionit Përzgjedhës nga Drejtoresha e Drejtorisë së Arsimit në Prizren e deri te nënshkrimi i vendimeve për emërim në pozitat e drejtorëve dhe zv. drejtorëve nga Kryetari i Komunës z. Totaj.
Sokoli theksoi se, duke pasur parasysh faktin se lidhur me këtë proces ka hetime edhe nga Prokuroria Speciale e Republikës së Kosovës, ka një Kallëzim Penal në Prokurorinë Themelore në Prizren dhe duke marrë parasysh faktin se kohët e fundit kishte edhe një audioincizim të njërit nga anëtarët e komisionit përzgjedhës, që tregonte mënyrat e manipulimit me proces përmes “trikeve”, kërkojmë që “ Në mënyrë që të mos cënohet edhe më shumë imazhi i arsimit në komunën tonë, anëtarët e komisionit përzgjedhës që janë të dyshuar për keqpërdorime e manipulime të japin dorëheqje të menjëhershme dhe i tërë procesi të kthehet në piken zero”.
Ndërsa Kuvendari, z. Faruk Tahiri tregoi për përvojën e tij si anëtar i Komisionit Komunal të Arsimit. Ai thkesoi se procesi nga fillimi nuk ka qenë transparent, kandidatëve i janë humbur edhe dokumentet e konkurimit dhe kemi pasur edhe anulim të konkursit vetëm për t’i hapur rrugë kandidatëve të caktuar. Ai u shprehë se shihej qartë që kishte favorizim të kandidatëve të caktuar ashtu edhe siç e kemi dëgjuar në audioincizim dhe se me këtë vërtetohet se ky kryetar është pazargji dhe duhet të mos jetë kryetar i komunës edhe më tutje.
